ரோட்டு கடை முட்டை பொடிமாஸ் (Muttai podimas recipe in tamil)

வெங்காயம், தக்காளி, பூண்டுபல், பச்சை மிளகாய் இவற்றை பொடியாக நறுக்கி எடுத்துக் கொள்ளவும். கடாயில் கடாயில் எண்ணெய் விட்டு காய்ந்ததும் வெங்காயம் சேர்த்து நன்கு வதக்கி பிறகு பூண்டு சேர்த்து வதக்கவும்.

அடுத்து பச்சை மிளகாய், தக்காளி சேர்த்து மிதமான தீயில் வைத்து நன்கு வதக்கவும். பிறகு மிளகாய் தூள், மஞ்சள் தூள் சேர்க்கவும்

மிளகாய் தூள், மஞ்சள் தூள் சேர்த்த பிறகு மிதமான தீயிலேயே வைத்து 2 நிமிடம் வதக்கி விடவும் பிறகு இரண்டு முட்டைகளை உடைத்து ஊற்றவும். மெதுவாக முட்டையை கலக்கி விடவும்

ஒரு நிமிடம் அப்படியே வைத்திருந்து சிறிது வெந்ததும், லேசாக பிரட்டி விட்டு, தேவையான அளவு உப்பு, மிளகு சீரகத்தூள் சேர்க்கவும்.

பிறகு சிக்கன் மசாலா சேர்த்து ஒரு நிமிடம் நன்கு கிளறி கிளறி விட்டு இறுதியாக கருவேப்பிலை தூவி இறக்கவும்