ரோட்டு கடை ஸ்டைல் ஈரல் சுவரொட்டி தொக்கு(Eeral suvarotti thokku recipe in tamil)

சுத்தம் செய்து சிறு துண்டுகளாக நறுக்கிய ஈரல் மற்றும் சுவரொட்டியை ஒரு குக்கரில் எடுத்து கொண்டு அதனுடன் மஞ்சள் தூள்,1/2ஸ்பூன் இஞ்சி பூண்டு விழுது மற்றும் சிறிது உப்பு,1/2டம்ளர் தண்ணீர் சேர்த்து மூடி 4விசில் வரை வேக விடவும்.

ஒரு கடாயில் எண்ணெய் ஊற்றி நன்கு சூடானதும் சோம்பு, மீதம் உள்ள இஞ்சி பூண்டு விழுது, கருவேப்பிலை சேர்த்து தாளிக்கவும். இஞ்சி பூண்டு பச்சை வாசம் போனவுடன் பொடியாக நறுக்கிய வெங்காயம் சேர்த்து சற்று நிறம் மாறும் வரை வதக்கவும்.

பின்னர் பொடியாக நறுக்கிய தக்காளி மற்றும் சிறிது உப்பு சேர்த்து நன்கு மசியும் வரை வதக்கவும். பின்னர் கரம் மசாலா, மிளகாய் தூள் சேர்த்து நன்கு எண்ணெய் பிரியும் வரை குறைந்த தீயில் வைத்து வதக்கவும்.

பின்னர் வேக வைத்த ஈரலை அதில் உள்ள தண்ணீரோடு சேர்த்து கிளறி பின் மூடி 10நிமிடம் கொதிக்க விடவும். தண்ணீர் நன்கு வற்றி கிரேவி கெட்டி ஆன உடன் பிரெஷ் ஆக வறுத்து அரைத்த மிளகு தூள் (காரம் தேவைக்கு ஏற்ப) மற்றும் பொடியாக நறுக்கிய கொத்த மல்லி சேர்த்து கிளறி இறக்கவும்.

இதனை இட்லி, தோசை, சப்பாத்தி, பரோட்டா மற்றும் தயிர் சாதம், ரசம் சாதம் ஆகியவற்றுடன் சாப்பிட அருமையாக இருக்கும்.