...சிக்கன் மசாலா

முதலில் தேவையான பொருளை எடுத்துக்கொண்டு ஒரு பாத்திரத்தில் சிக்கனை நன்றாக கழுவி எடுத்து ஒரு ஸ்பூன் மஞ்சள் தூள் சேர்க்கவும்.

ஒரு ஸ்பூன் மிளகாய்த்தூள் ஒரு ஸ்பூன் இஞ்சி பூண்டு பேஸ்ட் சேர்த்து தேவையான அளவு உப்பு சேர்த்து பிசறி ஊற வைக்கவும்.

15 நிமிடம் ஊற வைத்த பின் சிறிதளவு பூண்டு சிறிதளவு இஞ்சி தோல் சீவி மிக்ஸி ஜாரில் போட்டு பேஸ்ட்டாக அரைத்துக் கொள்ளவும்..

அரை மூடி தேங்காய் துருவல் எடுத்துக்கொண்டு அதோடு இரண்டு டீஸ்பூன் சோம்பு சேர்த்து அரைத்து எடுத்துக் கொள்ளவும்

அடுப்பில் ஒரு கடாயை வைத்து எண்ணெய் ஊற்றி காய்ந்தவுடன் சோம்பு வெந்தயம் சேர்த்து தாளிக்கவும்

அதோடு கருவேப்பிலை, பொடியாக நறுக்கிய வெங்காயம், தக்காளி, சேர்க்கவும்.

இரண்டு ஸ்பூன் இஞ்சி பூண்டு விழுது தேவையான அளவு உப்பு சேர்த்து வதக்கி பிசறிய சிக்கனை அதில் சேர்த்து வதக்கவும்

ஒரு கப் அளவு தண்ணீர் சேர்த்து கொதிக்கவிடவும் அதோடு ஒரு ஸ்பூன் மிளகாய்த் தூள் ஒரு ஸ்பூன் கரம் மசாலா சேர்க்கவும்

கடைசியாக அரைத்த தேங்காய் விழுதை சேர்த்து நன்றாக கொதித்த பின் கொத்தமல்லி தூவி இறக்கவும். சுவையான சிக்கன் மசாலா ரெடி.