தேங்காய் பால் சாதம் உடன் முட்டை கிரேவி

தேங்காய் கீற்றை மிக்ஸியில் சேர்த்து 1.5கப் தண்ணீர் சேர்த்து அரைத்து பாலை வடிகட்டி எடுத்து கொள்ள வேண்டும்

குக்கரில் நெய் சேர்த்து காய்ந்ததும் அதில் பட்டை, கிராம்பு, ஏலக்காய், பிரிஞ்சி இலை, நட்சத்திர சோம்பு சேர்த்து தாளித்து வெங்காயம், பச்சை மிளகாய் சேர்த்து வதக்கவும்

அதில் இஞ்சி பூண்டு விழுது சேர்த்து வதக்கி தேங்காய் பால் ஊற்றி உப்பு சேர்த்து 1 கொதி வந்ததும் அரிசி, புதினா இலை சேர்த்து கிளறி 2 விசில் வந்ததும் இறக்கவும்

முட்டையை வேக வைத்து தோல் நீக்கி தனியாக எடுத்து கொண்டு பின்னர் கடாயில் எண்ணெய் ஊற்றி காய்ந்ததும் பிரிஞ்சி இலை, பட்டை, கிராம்பு, ஏலக்காய் சேர்த்து தாளித்து வெங்காயம் சேர்த்து வதக்கவும்

வதங்கியதும் இஞ்சி பூண்டு விழுது சேர்த்து வதக்கி தக்காளி சேர்த்து வதக்கவும்

பின்னர் மசாலா பொருட்கள் அனைத்தும் சேர்த்து வதக்கி தண்ணீர் ஊற்றி நன்கு கொதிக்க விடவும் (கிரேவி பதம் வரும்வரை)

பின்னர் அதில் வெந்த முட்டைகளை சேர்த்து 1கொதி வந்தவுடன் தேங்காய் பால் சாதத்துடன் பரிமாறவும்