தஞ்சாவூர் ஸ்டைைல் மசாலா ரசம்

முதலில் தக்காளியை ஒரு பாத்திரத்தில் போட்டு, தக்காளி மூழ்கும் அளவில் நீரை ஊற்றி அடுப்பில் வைத்து, தக்காளியை மென்மையாக வேக விடவும்.

பின் தக்காளியின் தோலை நீக்கிவிட்டு தக்காளியை ஒரு மிக்ஸி ஜாரில் போட்டு நன்கு அரைத்துக் கொள்ளவும்.

பிறகு ஒரு மிக்ஸி ஜாரில் தேங்காய் துருவலை போட்டு அரைத்து அதிலிருந்து தேங்காய் பால் எடுத்து வைத்துக் கொள்ளவும்.

பிறகு மிக்ஸி ஜாரில் பச்சை மிளகாய், பூண்டை போட்டு தண்ணீர் தெளித்து நைஸாக அரைத்துக் கொள்ளவும்.

ஒரு வாணலியை அடுப்பில் வைத்து அதில் எண்ணெய் ஊற்றி எண்ணெய் சூடானதும் சோம்பு,பட்டை,கிராம்பு, போட்டு தாளிக்கவும் பிறகு பொடியாக நறுக்கிய சின்ன வெங்காயம், கறிவேப்பிலை போட்டு ஒரு நிமிடம் வதக்கவும்.

பிறகு அரைத்து வைத்த பச்சை மிளகாய் பூண்டு பேஸ்ட் அதில் போட்டு ஒரு நிமிடம் வதக்கவும். பிறகு அரைத்து வைத்துள்ள தக்காளி விழுதை அதில் ஊற்றி தக்காளி வேக வைத்த தண்ணீரையும் ஊற்றி இரண்டு நிமிடம் கொதிக்க விடவும்

பிறகு மிளகுத்தூள், தேங்காய்ப்பால், கொத்தமல்லிஇலை சேர்த்து ஒரு கொதிவிட்டு இறக்கினால் மசாலா ரசம் தயார்.