காய்கறி மசாலா புலாவ்

மிக்ஸி ஜாரில் பட்டை, கிராம்பு,சோம்பு,இஞ்சி, பூண்டு,கசகசா,ஏலக்காய் மற்றும் தேங்காய், கொத்தமல்லி இலைகள்,புதினா இலைகள் ஆகியவற்றை சேர்த்து நன்கு அரைத்துக் கொள்ளவும்.

பெரிய வெங்காயம் நீளவாக்கிலும், தக்காளியை சிறிதாகவும், பச்சை மிளகாயைக் கீறி வைத்துக் கொள்ளவும். காய்கறிகளை சிறிதாக நறுக்கி வைத்துக் கொள்ளவும்.

குக்கரில் எண்ணெய் மற்றும் நெய் சேர்த்து தாளிப்பு பொருட்களை மராட்டி மொக்கு,நட்சத்திர சோம்பு ஆகியவற்றை சேர்த்து வதக்கி, அதனுடன் நறுக்கிய பெரிய வெங்காயம், தக்காளி மற்றும் பச்சை மிளகாய் சேர்த்து வதக்கவும். வெங்காயம் தக்காளி வதங்கிய பிறகு அதனுடன் நறுக்கி வைத்த காய்கறி சேர்த்து பாதி அளவு உப்பு சேர்த்து நன்கு வதக்கவும்.

காய்கறிகள் ஓரளவு வதங்கிய பிறகு அரைத்து வைத்த மசாலாவை சேர்த்து அதனுடன் மஞ்சள் தூள்,மிளகாய் தூள்,கரம் மசாலா ஆகியவற்றை சேர்க்கவும். இவை அனைத்தையும் நன்கு கலந்து பச்சை வாசனை நீங்கும் வரை வேக விடவும்.

காய்கறிகள் நன்கு வெந்த பிறகு தேவையான அளவு தண்ணீர் சேர்த்து மீதமுள்ள உப்பு சேர்த்து கொதிக்கவிடவும் தண்ணீர் கொதித்ததும் கலந்து வைத்துள்ள அரிசியை தண்ணீர் வடித்து சேர்க்கவும். குக்கரில் 2 சவுண்டு விட்டு வேகவைத்து இறக்கினால் அருமையான சுவையான காய்கறி மசாலா புலாவ் தயார்😋😋😋

குறிப்பு:
*இரண்டு டம்ளர் பாஸ்மதி அரிசி இரண்டு டம்ளர் தண்ணீர் சேர்த்துள்ளேன்
*காலிபிளவர் சேர்த்துக் கொள்ளலாம்
*தாளிப்பதில் முந்திரி சேர்த்து தாளிக்கலாம்