ஓரியோ கேக்

ஓரியோ பிஸ்கட்களை நன்கு மிருதுவாக பொடித்துக் கொள்ளவும். மைதா மாவுடன் பேகிங் பௌடர், பேகிங் சோடா சேர்த்து சலித்து ஒரு சிட்டிகை உப்பு சேர்த்து ஓரியோ பொடியுடன் சேர்த்து கலக்கவும்.

வெண்ணெயை உருக்கவும். ஒரு கண்ணாடி பாத்திரத்தில் சிறிது வெண்ணெய்தடவவும். மீதமுள்ள வெண்ணெயை மாவு கலவையுடன் சேர்க்கவும். நன்கு கலக்கவும்.

அதில் கன்டென்ஸ்ட் மில்க் சேர்த்து சிறிது சிறிதாக பாலை சேர்த்து கலக்கவும்.

ரிப்பன் போன்ற தளர்வான மாவு பதம் வரும் வரை பாலை சேர்த்து கலக்கவும். 10 நிமிடங்கள் அப்படியே வைக்கவும்.

இப்பொழுது அந்த மாவு கலவையை வெண்ணெய் தடவிய கண்ணாடி பாத்திரத்தில் ஊற்றவும். கேக் அதன் அளவில் இரட்டிப்பு மடங்கு உயரும் என்பதால் சற்று உயரமான கண்ணாடி பாத்திரத்தை உபயோகிக்கவும்.

800 அல்லது 900 வாட்ஸ் வெப்ப அளவில் 5 நிமிடங்கள் பேக் செய்யவும். ஐந்து நிமிடங்கள் பிறகு கேக் சரியாக பேக் ஆகியுள்ளதா என்பதை சரி பார்த்து இல்லையென்றால் மேலும் ஒரு நிமிடம் பேக் செய்யவும்.

பாத்திரத்தை தலைகீழாக வெளியே எடுத்து கேக்கை வெளியே எடுக்கவும். இதுவே சுவையான ஓரியோ கேக் செயும் முறையாகும்.