முட்டை மசாலா

முட்டையை வேக வைத்து தோலுரித்து தனியே எடுத்து வைத்துக் கொள்ளவும்.

ஒரு கடாயில் வெண்ணெய், எண்ணெய் ஊற்றவும். என்னை சூடாகியதும் காஷ்மீரி ரெட் சிலி பவுடர், மஞ்சள் தூள் சேர்த்து மிதமான சூட்டில் இரண்டு நிமிடத்திற்கு அமைத்துக் கொள்ளவும்.பிறகு வேகவைத்த முட்டைகளை இதில் சேர்த்து 2 அல்லது 3 நிமிடத்திற்கு நன்று சமைத்த பின் முட்டையை தனியே எடுத்து வைத்துக் கொள்ளவும்.

அதே கடாயில் பட்டை, வரமிளகாய், பிரியாணி இலை, சீரகம்,சேர்க்கவும். சீரகம் வெடித்து வந்ததும் நறுக்கிய வெங்காயத்தை சேர்த்து வதக்கிக்கொள்ளவும்.

வெங்காயம் வதங்கியதும் இஞ்சி பூண்டு விழுது சேர்த்து பச்சை வாசனை போகும் வரையில் இதை வதங்க விடவும். அடுத்து கசூரி மேத்தி கொத்தமல்லித்தழை சேர்த்து கிளறிவிட்டு சின்ன சின்னதாக நறுக்கிய தக்காளியையும் சேர்த்துக் கொள்ளவும்.

தக்காளி வெந்ததும் மிளகாய்த்தூள்,மல்லித்தூள் கரம் மசாலா, தேவையான அளவு உப்பு சேர்த்து இதை ஒரு ஐந்து நிமிடத்திற்கு மூடி போட்டு வைத்துக் கொள்ளவும்.

அடுத்து தண்ணீர் மற்றும் அமுல் பிரஷ் கிரீம் சேர்த்து கிளறிவிட்டு கொதி வரும்வரை இதை மூடிவைக்கவும். மசாலா கொதிக்க ஆரம்பித்ததும் முட்டைகளை இதில் சேர்த்து நன்றாக கிளறிவிட்டு 5 நிமிடம் வரை சமைத்து கொள்ளவும். இறுதியாக கொத்தமல்லித் தழையை தூவி விட்டு அடுப்பை அணைத்து விடவும்.

சுவையான முட்டை மசாலா ரெடி!

இந்த முட்டை மசாலாவை சப்பாத்தி, பரோட்டா, பூரிக்கு சைட் டிஷ் ஆக சாப்பிடலாம்.