மிளகாய் கிள்ளி போட்ட சாம்பார்

குக்கரில் பருப்பு, பூண்டு பல் சேர்த்து தண்ணீர் ஊற்றி நன்கு கழுவி சுத்தம் செய்து தேவையான அளவு தண்ணீர் ஊற்றி பெருங்காயத்தூள் சேர்த்து 3 விசில் விட்டு வேக வைத்து மசித்து எடுத்து கொள்ளவும்.ஒரு பவுலில் புளியை தண்ணீரில் ஊற வைத்து கரைசலை வடிகட்டி வைக்கவும்.

வானலில் எண்ணெய் ஊற்றி காய்ந்ததும் கடுகு, சீரகம் தாளித்து வெங்காயம் சிறிதாக நறுக்கியது கறிவேப்பிலை, காய்ந்த மிளகாய் இரண்டாக கிள்ளி சேர்த்து வதக்கவும்.

பிறகு தக்காளி, மஞ்சள் தூள், உப்பு சேர்த்து நன்கு மசித்து வதக்கவும்.தக்காளி வதங்கியதும் மசித்து வைத்த பருப்பை ஊற்றி சிறிதளவு தண்ணீர் சேர்த்து உப்பு, காரம் சரிபார்த்து கொள்ளவும்.

பருப்பு ஒரு கொதி வந்ததும் புளி கரைசலை ஊற்றி கலந்து விட்டு கொதிக்க விடவும்.

கடைசியாக சிறிதளவு கொத்தமல்லி தூவி இறக்கவும், சுவையான மிளகாய் கிள்ளி சாம்பார் தயார். நன்றி