சீரக சாம்பார்

சிறிய வெங்காயம் ஒரு கப் அளவிற்கு எடுத்து தோல் உரித்து இரண்டாக அரிந்து வைத்துக் கொள்ளவும்.தாளிக்க வேண்டிய பொருட்களை எடுத்துக் கொள்ளவும். ஒரு ஸ்பூன் சீரகம் எடுத்துக்கொள்ளவும்.பருப்பில் மஞ்சள் தூள், சிறிது விளக்கெண்ணெய் சேர்த்து குக்கரில் நன்கு வேகவைத்துக் கொள்ளவும். புளி சிறிதளவு ஊறவைத்துக் கொள்ளவும்.

ஒரு வாணலியில் இரண்டு ஸ்பூன் எண்ணெய் சேர்த்து அதில் கடுகு உளுத்தம் பருப்பு வரமிளகாய் மற்றும் சீரகம் பெருங்காயத்தூள் சேர்த்து தாளித்துக் கொள்ளவும். பிறகு அதில் வெங்காயத்தை சேர்க்கவும்.உடன் கறிவேப்பிலை சேர்த்து நன்கு வதக்கிக் கொள்ளவும்.அரை டம்ளர் வரை தண்ணீர் சேர்த்து அதனுடன் சாம்பார் தூள் உப்பு சேர்த்து வெங்காயத்தை வேக வைக்கவும். வெங்காயம் வெந்த உடன் பருப்பை சேர்த்து வேக வைக்கவும்.

வெங்காயம் பருப்பில் சேர்த்து நன்கு வெந்தவுடன் அதில் புளித்தண்ணீரை சேர்த்து கொதிக்க விடவும். கொத்தமல்லித்தழை சேர்த்துக் கொள்ளவும். கடைசியாக ஒரு ஸ்பூன் நெய் சாம்பாரில் சேர்த்து கொள்ளவும்.இப்போது சுவையான சீரக வெங்காய சாம்பார் தயார்.