மீதமான சாதத்தில்  முறுக்கு

மிக்ஸியில் பொட்டுகடலை சேர்த்து நன்கு பவுடராக அரைத்து கொள்ளவும். சாதத்தையும் மிக்ஸியில் தண்ணீர் ஊற்றாமல் அரைத்து எடுத்து கொள்ளவும்.

ஒரு பாத்திரத்தில் அரைத்த பொட்டுகடலை பவுடர், சாதம் அரைத்தது, உப்பு, மிளகாய் தூள், பெருங்காயத்தூள், எள் இவற்றை சேர்த்து கையில் லேசாக எண்ணெய் தடவி பிசைந்து வைத்து கொள்ளவும்.

தண்ணீர் ஊற்றாமல் பிசைந்து கொள்ளவும். பிறகு முறுக்கு குழலில் உட்புறமாக எண்ணெய் தடவி சிறிதளவு மாவை எடுத்து உள்ளே வைத்து கொள்ளவும். ஒரு தட்டு அல்லது கரண்டியில் எண்ணெய் தடவி அதன் மேல் முறுக்கு பிழிந்து கொள்ளவும்.

வானலில் எண்ணெய் ஊற்றி சூடானதும் அடுப்பை மிதமான தீயில் வைத்து ஒவ்வொரு முறுக்காக பிழிந்து போட்டு வேக வைத்து எடுக்கவும். சுவையான சாதத்தில் செய்த முறுக்கு தயார்.