திண்டுக்கல் தலப்பாக்கட்டி ஸ்டைல் சீரக சம்பா மட்டன் தம் பிரியாணி

4 டம்ளர் சீரகசம்பா அரிசியை நன்றாக அலசி தண்ணீரில் சமைப்பதற்கு அரை மணி நேரம் முன்னர் ஊற வைக்கவும்.

முதலில் பிரியாணிக்கு வீட்டிலேயே பிரியாணி மசாலா செய்து வைத்துக் கொள்ளவும். அதற்கு பட்டை (4), லவங்கம் (12), ஏலக்காய் (4), மிளகு 1- டேபிள்ஸ்பூன் மற்றும் சோம்பு 1- டேபிள் ஸ்பூன்.

இதை வெறும் வாணலியில் நன்றாக வறுத்துக் கொண்டு அதை ஒரு மிக்ஸியில் சேர்த்து பொடித்துக் கொள்ளவும். மட்டன் பிரியாணி மசாலா தயார்.

1/2 கிலோ மட்டனை நன்றாகக் கழுவி மஞ்சள் தூள் உப்பு சேர்த்து வேகவைத்து எடுக்கவும். வேக வைத்த மட்டன் 1 - டேபிள் ஸ்பூன் இஞ்சி பூண்டு விழுது, 1- கரண்டி தயிர் மற்றும் 2 - டேபிள்ஸ்பூன் மிளகாய்த்தூள் சேர்த்து நன்றாக கிளறி ஊர வைத்துக் கொள்ளவும்.

வெளிச்சமாக காற்றோட்டம் நிறைந்த இடத்தில் ஒரு அடுப்பை வைத்து,அடுப்பு எரிய தேவையான வரகை வைத்து பற்ற வைத்துக் கொள்ளவும்.

அடுப்பு நன்றாக பற்றிய பிறகு அதன் மேல் பிரியாணி குண்டான் வைக்கவும்.

இப்போது அதில் 7 பச்சை மிளகாயை ஒன்றும் பாதியுமாக அரைத்து சேர்த்துக் கொள்ளவும்.

பொடிதாக நறுக்கிய வெங்காயம் சேர்த்துக் கொள்ளவும்.

ஒரு தட்டு போட்டு மூடி வெங்காயம் பொன்னிறமாக மாறும்வரை மற்றும் இஞ்சி பூண்டின் பச்சை வாடை போகும் வரை நன்றாக எண்ணெயில் வதக்கவும்.

இதில் நன்றாக ஊற வைத்த மட்டன் துண்டுகளை சேர்த்துக் கொள்ளவும்.

இப்பொழுது ஆறு டம்ளர் தண்ணீரை பிரியாணி குண்டானில் ஊற்றிக் கொள்ளவும். (4 டம்ளர் அரிசிக்கு ஆறு டம்ளர் தண்ணீர் சேர்க்க வேண்டும்)

பின்னர் அடுப்பில் வைத்திருக்கும் விறகு கட்டைகளை எடுத்து விடவும். பிரியாணி குண்டானை எடுத்து வைத்திருக்கும் அடுப்புக்கரி தட்டினை கொண்டு மூடி தம் போடவும்.

சுமார் 20 முதல் 25 நிமிடம் வரை தம் இப்படி இருக்க வேண்டும். பின்னர் புதினா இலைகளை மேலே தூவி விடவும்.

சுவையான மண மணக்கும் திண்டுக்கல் தலப்பாக்கட்டி சீரக சம்பா மட்டன் பிரியாணி தயார். இதனை ரைத்தா மற்றும் சால்னா உடன் வைத்து சாப்பிடலாம்