சீரக சம்பா மட்டன் பிரியாணி

முதலில் ஒரு சிறிய குக்கரில் மட்டனை சேர்த்து அதனுடன் சிறிதளவு இஞ்சி பூண்டு விழுது,வெங்காயம், மஞ்சள் தூள், மற்றும் எண்ணெய் 2 மேஜைக்கரண்டி சேர்த்து 4 விசில் வரை நன்கு வேகவைத்துக் கொள்ளவும்

பின் கறி வெந்ததும் கறியையும், கறி தண்ணீரையும் தனியாக எடுத்து வைத்துக் கொள்ளவும், பின் அரிசியை நன்கு சுத்தம் செய்து தண்ணீர் ஊற்றி ஊற வைத்துக் கொள்ள வேண்டும், பின் ஒரு குக்கரில் நெய் மற்றும் எண்ணெய் சேர்த்து, எண்ணெய் காய்ந்ததும் மசாலாக்கள் எல்லாவற்றையும் சேர்த்து நன்கு வதக்கவும்

அதனுடன் வெங்காயம் சேர்த்து நன்கு வதக்கிக் கொள்ளவும், வெங்காயம் வதங்கியதும் தக்காளி மற்றும் பச்சை மிளகாய் சேர்த்து வதக்கி கொள்ளவும்

இஞ்சி பூண்டு விழுது சேர்த்து வதக்கி கொள்ளவும், தக்காளி நன்கு வதங்கியதும் புதினா மற்றும் மல்லி இலை சேர்த்து வதக்கி கொள்ளவும்

பின் சிவப்பு மிளகாய் தூள் சேர்த்து அதனுடன் வேக வைத்திருக்கும் மட்டனை சேர்த்து நன்கு வதக்கிக் கொள்ளவும்

தயிரையும் சேர்த்து மசாலா மட்டனில் நன்கு ஊறும் வரை வதக்கிக் கொள்ளவும்

ஒரு கப் அரிசிக்கு இரண்டு கப் தண்ணீர் வீதம் எடுத்து வைத்துக் கொள்ளவும் கறி தண்ணீரையும் வீணாக்காமல் அதையும் பிரியாணிக்கு அளவெடுத்து சமமாக சேர்த்துக் கொள்ளவும்

பின் குக்கரில் அரிசியை சேர்த்து மெதுவாகக் கிளறி விடவும், அரிசியில் இருக்கும் தண்ணீர் வடியும் வரை மெதுவாக கிளறி விட வேண்டும்

பின் கலந்து வைத்திருக்கும் தண்ணீரை சேர்க்கவும் பின் லெமன் மற்றும் கொத்தமல்லி புதினா சேர்த்து கிளறி விட்டு 2 விசில் வரை விடவும்

இரண்டு விசில் வந்தபின் அடுப்பை அணைத்து விடவும், விசில் இறங்கியதும் குக்கரை திறக்கவும்

அரிசி உடையாத படி மெதுவாக கிளறி விட வேண்டும், சுவையான சீரக சம்பா மட்டன் பிரியாணி தயார்

இந்த பிரியாணியை நீங்கள் உங்கள் இல்லத்தில் செய்து கொடுத்த எப்படி இருந்தது என்று எனக்கு கமெண்ட் செய்யவும் நன்றி