மேகி நூடுல்ஸ் பிரட் ரோல் (Maggi Noodles Bread Roll Recipe in tamil)

வாணலியை சூடாக்கி ஒரு டேபிள்ஸ்பூன் எண்ணெய் விட்டு சூடானதும் பொடிதாக நறுக்கிய வெங்காயத்தை சேர்த்து கண்ணாடி போல் வதக்கவும். பிறகு நறுக்கிய தக்காளியை சேர்த்து கரையும் வரை வதக்கவும்.

தக்காளி நன்கு வதங்கியவுடன் மிளகாய்த்தூள், மஞ்சள்தூள், மேகி நூடுல்ஸ் மசாலா பொடி ஆகியவற்றை சேர்த்து நன்கு வதக்கி ஒன்றரை கப் நீர் விட்டு கொதிக்கவிடவும். கொதிக்க ஆரம்பித்தவுடன் மேகி நூடுல்சை நான்காக ஒடித்து போட்டு, மூன்று நிமிடம் வேகவிட்டு, நீர் வற்றியதும் இறக்கவும்.

பிறகு பிரட் துண்டுகளின் ஓரங்களை நறுக்கி விட்டு, அவற்றை நீரில் அமுக்கி நன்கு பிழிந்து அவற்றின் மீது 2 ஸ்பூன் நூடுல்சை வைத்து ரோல்கள் ஆக சுற்றவும்.

பிறகு தோசை தவாவை சூடாக்கி சமையல் எண்ணெயை ஊற்றி செய்து வைத்த ரோல்களை வைத்து இரண்டு பக்கமும் பொன்னிறமாக வறுத்து எடுக்கவும். சுவையான மேகி நூடுல்ஸ் பிரட் ரோல் தயார்.