மேங்கோ கிலேஸ் கேக்

மாம்பழத்தை தோல் சீவி எடுத்து சிறிய துண்டுகளாக நறுக்கி வைக்கவும்.இதை மிக்ஸியில் பேஸ்ட் போல் அரைத்து எடுத்து கொள்ளவும்.

அடுப்பில் வாணலியில் அரைத்த மாம்பழம் பேஸ்ட் மற்றும் சர்க்கரை சேர்த்து கலந்து விடவும.சர்க்கரை நன்கு கரைந்து மாம்பழம் கெட்டியாக வரும் போது அடுப்பை அணைத்து விட்டு தனியே ஒரு பவுலில் எடுத்து கொள்ளவும்.

ஒரு பவுலில் பவுடர் சர்க்கரை, எண்ணெய், பால், வெண்ணிலா எசன்ஸ் சேர்த்து நன்கு விஸ்க் வைத்து கட்டிகள் இல்லாமல் அடித்து கொள்ளவும்.

பிறகு இதில் மைதா மாவு, பேக்கிங் பவுடர் சேர்த்து கட்டிகள் இல்லாமல் விஸ்க் வைத்து அடித்து கொள்ளவும்.

இதில் 1/4கப் அளவிற்கு எடுத்து வைத்து உள்ள மேங்கோ பல்ப் சேர்த்து கலந்து கொள்ளவும்.கேக் டின்னில் லேசாக எண்ணெய் தடவி மாவை
எல்லா பக்கங்களிலும் தூவி கொள்ளவும்.

இந்த டின்னில் கேக் கலவையை ஊற்றி லேசாக தட்டி கொள்ளவும்.அடுப்பில் அடிகனமான கடாயில் ஸ்டான்ட் போட்டு மூடி வைத்து 5 நிமிடம் ப்ரீஹூட் செய்த பின் கேக் டின்னை உள்ளே வைத்து 35 நிமிடம் குறைந்த தீயில் வைத்து பேக் செய்து எடுத்து கொள்ளவும்.

கேக் சூடு தணிந்த பின்னர் கத்தியால் ஓரங்களில் எடுத்து விட்டு தனியே எடுத்து வைக்கவும்.பின் கேக்கின் சிறிது மேல் பகுதியை கத்தியால் சமன் செய்து கட் செய்து தனியே எடுத்து விடவும்.

பிறகு ஒரு பவுலில் சாக்லேட் சிறு துண்டுகளாக நறுக்கி போட்டு சூடான பால் 2 டேபிள்ஸ்பூன் ஊற்றி கரைத்து கொள்ளவும்.ஒரு ஜிப் லாக் கவரை டம்ளரில் வைத்து இதனுள் சாக்லேட் உருக்கியதை சேர்த்து டைட் செய்து அதன் ஓரத்தை கட் செய்து வைத்து கொள்ளவும்.

கேக்கின் மேல் இந்த சாக்லேட் வைத்து விரும்பும் படி அலங்காரம் செய்து கொள்ளவும்.

சூப்பரான முறையில் ஓவன் இல்லாமல் மேங்கோ கிலேஸ் கேக் தயார்.நன்றி