கிராமத்து முருங்கைக்காய் குழம்பு

ஒரு பெரிய வெங்காயத்தை பொடியாக அரிந்து கொள்ளவும். ஒரு தக்காளியை பொடியாக அரிந்து கொள்ளவும். தேவையான அளவு மஞ்சள் தூள், கொத்தமல்லித் தூள், வரமிளகாய் தூள் எடுத்துக் கொள்ளவும்.

மேல் கூறிய அளவில் வேர்கடலை, கசகசா,தேங்காய் துருவல்,வெள்ளை எள்ளு எடுத்துக் கொள்ளவும்.ஒரு வெறும் வாணலியில் முதலில் வேர்க்கடலையை லேசாக வறுத்துக் கொண்டு பிறகு எள்ளு மற்றும் கசகசாவை சேர்த்து சூடு ஏற வறுக்கவும். பிறகு தேங்காய் துருவலை சேர்த்து எல்லாவற்றையும் நன்கு வறுத்துக் கொள்ளவும்.தீய விட வேண்டாம். தண்ணீர் சேர்த்து கையில் அம்மியில் வைத்து அரைத்துக் கொள்ளவும். அல்லது மிக்சி ஜாரில் அழைத்து நைசாக எடுத்துக் கொள்ளவும்.

இப்போது ஒரு வாணலியில் எண்ணெய் சேர்த்து அதில் கடுகு சீரகம் கறிவேப்பிலை சேர்த்து தாளிக்கவும். பிறகு பொடியாக அரிந்த வெங்காயத்தை சேர்த்து நன்கு வதக்கவும்.அதனுடன் மஞ்சள் தூள் மிளகாய் தூள் மற்றும் வர கொத்தமல்லி தூள் சேர்த்து பச்சை வாசம் போக வறுத்துக் கொள்ளவும். மீண்டும் பொடியாக நறுக்கிய தக்காளியை இவற்றுடன் சேர்த்து நன்கு வதக்கிக் கொள்ளவும். பிறகு அரைத்த தேங்காய் விழுதை சேர்த்து நன்கு கலந்து 2 நிமிடம் வதக்கி விடவும்.

பின்னர் துண்டுகளாக அரிந்து வைத்த முருங்கைக் காயை சேர்த்து நன்கு பிரட்டி விட்டு தேவையான அளவு தண்ணீர் சேர்த்து உப்பு தேவையான அளவு சேர்த்து கலந்து விடவும். வாணலியை மூடி வைக்கவும். மிதமான தீயில் 15 நிமிடம் வரை காயை நன்கு வேகவிடவும்.அவ்வப்போது திறந்து தண்ணீர் சுண்டி உள்ளதா என்று பார்த்து தேவை என்றால் சிறிது தண்ணீர் சேர்த்துக் கொள்ளவும். நன்கு வெந்தவுடன் இறக்கி வைக்கவும். தேவை என்றால் கொத்தமல்லித்தழை சேர்த்துக் கொள்ளலாம்.

சுவையான கிராமத்து முருங்கைக்காய் குழம்பு தயார். பருப்பு சேர்க்கத் தேவை இல்லை..சூடான சாதத்துடன் நெய் சேர்த்து பிசைந்து சாப்பிட சுவையாக இருக்கும். மேலும் சப்பாத்திக்கு தொட்டுக் கொள்ள சுவையாக இருக்கும். நன்றி குக்கிங் பையர்.