*கையேந்தி பவன் ஒயிட் குருமா*

தேவையான பொருட்களை எடுத்து வைத்துக் கொள்ளவும்.

1 பெரிய வெங்காயத்தை பெரிய துண்டுகளாகவும், மேலும் 1 வெங்காயம், 1 பெரிய தக்காளியை பொடியாகவும் நறுக்கவும்.

தேங்காயை துண்டுகளாக நறுக்கிக் கொள்ளவும்.

அடுப்பை மிதமான தீயில் வைத்து, கடாயில் 2 ஸ்பூன் எண்ணெய் விட்டு சூடானதும், வெங்காயம், ப.மிளகாய், பொட்டுக்கடலை, முந்திரி, பூண்டு, தேங்காய் துண்டுகள், இஞ்சி, பட்டை, கிராம்பை வதக்கி ஆறவிடவும்.

ஆறியதும், மிக்ஸி ஜாரில் போட்டு, உப்பு போட்டு அரைத்ததும், சிறிது தண்ணீர் சேர்த்து நன்கு மைய அரைக்கவும்.

அடுப்பை சிறு தீயில் வைத்து, கடாயில் 2 ஸ்பூன் எண்ணெய் விட்டு சூடானதும், சோம்பு, பட்டை, கிராம்பு, கல்பாசி, சேர்த்து வதக்கியதும், வெங்காயம், ப.மிளகாய், உப்பு சேர்த்து கண்ணாடி பதத்திற்கு வதக்கவும்.

பிறகு அரைத்த விழுதுடன் சிறிது தண்ணீர் சேர்த்து கொதித்ததும் அடுப்பை நிறுத்தி விட்டு இறக்கவும்.

இது, இட்லி, தோசை, ஆப்பம், பரோட்டா, சப்பாத்தி, இடியாப்பத்திற்கு சைட்டிஷ்ஷாக மிகவும் ஆப்ட்டாக இருக்கும்.