கேபேஜ் மஞ்சூரியன்

நறுக்கிய கேபேஜ், வெங்காயம், பச்சை மிளகாய், இஞ்சி, கார்ன் ஃப்ளார், தேவையான அளவு உப்பு சேர்த்து நன்கு கலந்து வைக்கவும்.

கலந்த கலவையானது உருண்டைகளாக உருட்டும் அளவு இருக்க வேண்டும். தண்ணீர் ஊற்றாமல் நன்கு கலந்து கொள்ளவும்.

உருண்டைகளாக உருட்டி எண்ணெயில் பொரித்து எடுக்கவும்.

கடாயில் இரண்டு மேசைக்கரண்டி எண்ணெய் ஊற்றி காய்ந்ததும் வெங்காயம், பூண்டு சேர்த்து வதக்கி பின் சோயா சாஸ், தக்காளி சாஸ், மிளகுப் பொடி, தேவையான அளவு உப்பு சேர்த்துக் கலந்து கொள்ளவும்.

கார்ன் ஃப்ளாரை இரண்டு மேசைக்கரண்டி தண்ணீரில் கரைத்து ஊற்றி நன்கு கலந்து பொரித்த உருண்டைகளைச் சேர்த்துக் கிளறவும்.

நன்கு கலந்து வந்ததும் இறக்கி நறுக்கிய வெங்காயம், கொத்தமல்லி இலை தூவிப் பரிமாறவும்.

வைட்டமின்கள் அடங்கிய கேபேஜ் மஞ்சூரியனைக் குடும்பத்தினருக்குப் பரிமாறி மகிழவும் ‌