மைக்ரோவேவ் தந்தூரி சிக்கன்

சிக்கனை கழுவி சுத்தம் செய்து வைக்கவும். ஒரு பவுலில் தயிர், மிளகாய் தூள், கரமசாலா, காஷ்மீர் மிளகாய்த்தூள், இஞ்சி பூண்டு விழுது, மஞ்சள் தூள், உப்பு, சீரகத்தூள்,கஸ்தூரி மேத்தி, எலுமிச்சை சாறு சேர்த்து நன்கு கலந்து கொள்ளவும்.

பிறகு இதில் தேன் விட்டு கலந்து சிக்கனை இதில் சேர்த்து எல்லா பக்கத்திலும் மசாலா படும் படி நன்றாக தேய்த்து விடவும். ஒரு இரவு முழுவதும் பிரிட்ஜில் வைத்து கொள்ளவும்.

பின்னர் கிரில் ஸ்டாண்டில் ஊற வைத்த சிக்கனை எடுத்து வைத்து கொள்ளவும்.ஓவனை மைக்ரோவேவ் கன்வக்ஷன் காம்பினேஷன் 2 மோடில் 20 நிமிடம் வைத்து சிக்கனை ஓவனில் வைக்கவும். வெண்ணெய் அடுப்பில் வைத்து உருக்கி எடுத்து கொள்ளவும்.

10 நிமிடம் முடிந்ததும் சிக்கனை ஓவனில் இருந்து வெளியே எடுத்து வெண்ணெய் எல்லா பக்கத்திலும் படும் படி நன்றாக தடவி சிக்கனை திருப்பி விட்டு மறுபடியும் ஓவனில் வைத்து விடவும்.

பிறகு 20 நிமிடம் முடிந்ததும் ஓவனை கிரில் மோடில் 20 நிமிடம் வைத்து இதே போல 10 நிமிடம் கழித்து வெளியே எடுத்து வெண்ணெய் தடவி திருப்பி போட்டு வேக வைத்து எடுக்கவும். கடைசியாக சிக்கன் மேலே சிறிதளவு வெண்ணெய் தடவி பரிமாறவும். சூப்பரான தந்தூரி சிக்கன் தயார். நன்றி