கார்லிக் பட்டர் நான்

முதலில் தேவையான பொருட்கள் அனைத்தையும் தயாராக எடுத்து வைக்கவும்.. மைதா மாவை சலித்து வைத்துக் கொண்டு அதனுடன் பேக்கிங் சோடா, பேக்கிங் பவுடர், தயிர், பால், சர்க்கரை, உப்பு மற்றும் தேவையான அளவு தண்ணீர் சேர்த்து நன்றாக கலந்து சப்பாத்தி மாவு பதத்திற்கு பிசைந்து கொள்ளவும்.. சிறிது மாவின் மேல் ஒரு டீஸ்பூன் எண்ணெய் தேய்த்து 20 நிமிடங்கள் ஊறவைத்து கொள்ளவும்.

பிறகு சிறிய உருண்டைகளாக உருட்டி அதை நான் வடிவில் தேய்த்து வைக்கவும்.. அதில் பொடியாக நறுக்கிய பூண்டு மற்றும் கொத்தமல்லி இலை சிறிது தூவி, மீண்டும் அதை ஒரு தடவை சப்பாத்தி கட்டையால் தேய்த்து விடவும்.. பின்னர் தேய்த்த மாவின் பின் புறத்தில் சிறிது தண்ணீர் தேய்த்து, ஒரு தோசை தவா/ ரொட்டி பண்ணும் கடாயில் தண்ணீர் தடவிய புறம் கீழே வருமாறு போடவும்.

அடுப்பை சிம்மில் வைத்துக் கொள்ளவும்..1 நிமிடம் கழித்து தவாவின் கைப்பிடியை பயன்படுத்தி தவாவோடு பின் புறமாக திருப்பி அடுப்பை மிதமான தீயில் நானை சுட்டெடுக்கவும்.. நன்றாக சுட்ட உடன் நான் மேல் சிறிது வெண்ணெய் தடவி விட்டால் சுவையான கார்லிக் பட்டர் நான் ரெடி.. பன்னீர் காளான் மசாலா உடன் சாப்பிடலாம்.. நன்றி. ஹேமலதா கதிர்வேல். கோவை பாசக்கார பெண்கள்.