வால்நட் சாக்லேட் கேக் (Walnut Chocolate Cake recipe in Tamil)

ஒரு கடாயை அடுப்பில் வைத்து அதனுள் ஒரு ஸ்டாண்ட் வைத்து மூடி போட்டு குறைவான தீயில் பிரிஹீட் செய்து கொள்ளவும். தேவையான பொருட்களை தயாராக எடுத்து வைத்துக் கொள்ளவும். ஒரு அகலமான பாத்திரத்தில் தயிர் மற்றும் சர்க்கரையை சேர்த்து நன்கு பீட்டர் அல்லது விஸ்க் கரண்டி வைத்து கலந்து கொள்ளவும்.

அதனுடன் எண்ணெய் வெண்ணிலா எசென்ஸ் சேர்த்து கலந்து கொள்ளவும்.

அதன் மேல் ஒரு சல்லடை வைத்து மைதா மாவு கொக்கோ பவுடர் பேக்கிங் பவுடர் பேக்கிங் சோடா மில்க் பவுடர் சேர்த்து சலித்து கொண்டு மீண்டும் பீட்டரை உபயோகித்து நன்கு கலந்து கொள்ளவும்.

ஒரு சிறிய பாத்திரத்தில் இரண்டு டேபிள்ஸ்பூன் மைதா மாவு சேர்த்து பாதி நொறுக்கிய வால்நட்களை தூவி அந்த கலவையுடன் நன்கு கலந்து கொள்ளவும்

கேக் மோல்டில் சிறிது எண்ணெய் தடவி அதன் மேல் பட்டர் பேப்பரை வைத்து கலந்து வைத்துள்ள கேக் கலவையை ஊற்றி அதன் மேல் வால்நட்களை தூவி அலங்கரிக்கவும்.

இதனை ப்ரீஹீட் செய்து வைத்துள்ள கடாயில் வைத்து மூடி போட்டு 50 முதல் 55 நிமிடங்கள் வேக வைத்து எடுத்தால் சுவையான மற்றும் சத்தான வால்நட் சாக்லேட் கேக் தயார்.