ரோட்டுக்கடை காளான் மசாலா

ஒரு பவுலில் காளான் மற்றும் முட்டைக்கோசை பொடிசாக நறுக்கி சேர்த்துக் கொள்ள வேண்டும். அதனுடன் ஒரு டீஸ்பூன் மிளகாய்த்தூள் சேர்த்துக் கொள்ள வேண்டும்.

பிறகு கரம் மசாலா மற்றும் உப்பு சேர்த்து நன்கு பிசைந்து கொள்ள வேண்டும்.

அதன்பிறகு இரண்டு டேபிள்ஸ்பூன் கார்ன்ஃப்ளார் மாவு மற்றும் ஒரு கப் மைதா மாவு சேர்த்து நன்கு கலந்து கொள்ள வேண்டும்.

கலந்து வைத்துள்ள முட்டைகோஸ் மற்றும் காளான் கலவையை ஒரு கடாயில் பொரிக்க தேவையான அளவு எண்ணெய் சேர்த்து அதில் சிறிது உருண்டைகளாக போட்டுக் கொள்ள வேண்டும்.

இடையில் ஒரு முறை திருப்பிவிட வேண்டும். இருபுறமும் நன்கு பொரிந்த பிறகு எடுத்து ஒரு தட்டில் மாற்றிவிட வேண்டும்.

அதன் பிறகு ஒரு வாணலியில் 2 டேபிள்ஸ்பூன் எண்ணெய் சேர்த்து ஒரு வெங்காயத்தை பொடியாக நறுக்கி சேர்த்து கொள்ள வேண்டும். வெங்காயம் வதங்கிய பிறகு இஞ்சி பூண்டு விழுதை சேர்த்து நன்கு வதக்கிக் கொள்ள வேண்டும்.

அதனுடன் மஞ்சள் தூள், கரம் மசாலா மற்றும் ஒரு டீஸ்பூன் மிளகாய்த்தூள் சேர்த்து கொள்ள வேண்டும்.

அதன் பிறகு மல்லித்தூள், தேவையான அளவு உப்பு மற்றும் மிளகுத் தூள் சேர்த்து நன்கு வதக்கிக் கொள்ள வேண்டும்.

மசாலாவின் வாசனை போன பிறகு தக்காளி சாஸ் வினிகர் சேர்த்து கொள்ள வேண்டும்.

அதனுடன் சோயா சாஸ் சேர்த்து நன்கு கலந்து கொள்ள வேண்டும். பிறகு ஒரு டேபிள்ஸ்பூன் கார்ன்ஃப்ளார் மாவை ஒரு கப் தண்ணீரில் கரைத்து அதை மசாலாவில் சேர்த்துக்கொள்ளவேண்டும்.

மசாலா நன்கு சமைத்த பிறகு பொரித்து வைத்துள்ள காளான் மற்றும் முட்டைகோஸ்சை சேர்த்து நன்கு பொடியாக கரண்டியை வைத்து கொத்திவிட வேண்டும்.

பிறகு நன்கு கலந்து சிறிதளவு கறிவேப்பிலை இரண்டாக நறுக்கி சேர்த்துக்கொள்ளவேண்டும். அதனை ஒரு பௌலில் மாற்றிக் கொள்ள வேண்டும்.

காளான் மசாலா மீது நறுக்கிய வெங்காயம் சேர்த்து பரிமாறினால் சுவையான ரோட்டுக்கடை காளான் மசாலா வீட்டிலேயே தயார்.