செட்டிநாடு வாழைக்காய் வறுவல்

வாழைக்காயை லேசாக,தோல் சீவி ரெண்டு இன்ச் அளவிற்கு நீளவாக்கில் நறுக்கவும். தண்ணீரில் போடவும்.ஒரு தக்காளி, 6 சிறிய வெங்காயம் பொடியாக நறுக்கவும். தனி மிளகாய் தூள்,கரம் மசாலா தூள் எடுத்து வைக்கவும். துருவிய தேங்காய் பூண்டு மிக்ஸியில் நைஸாக அரைக்கவும்

வாணலியில் 5 கரண்டி எண்ணெய் விட்டு சிம்மில் வைத்து சூடானதும் நறுக்கிய வாழைக்காயை எண்ணெயில் பொரித்து எடுக்கவும். எண்ணெய் வடியவிடவும். நான்ஸ்டிக் தவாவில், சிறிதளவு எண்ணெய் விட்டு கடுகு கறிவேப்பிலை தாளித்து வெங்காயம் தக்காளி வதக்கவும்.வறுத்த வாழைக்காய்,அரைத்த விழுது,சேர்த்து அடி பிடிக்காமல் நன்கு கிளறி எடுக்கவும். மல்லித்தழை தூவி இறக்கவும்.

சுவையான செட்டிநாடு வாழைக்காய் வறுவல் தயார்.