ராகி ஸ்மைலி

தேவையான பொருட்களை எடுத்துக் கொள்ளவும். உருளைக்கிழங்கை தோல் நீக்கி மசித்து ஒரு மிக்ஸிங் பவுலில் எடுத்து கொள்ளவும். பிரட் துண்டுகளின் ஓரங்களை நீக்கி மிக்ஸி ஜாரில் அடித்து பிரட் கிரம்சாக எடுத்துக் கொள்ளவும்

மசித்த உருளைக்கிழங்குடன் பிரெட் கிரம்ஸ், கார்ன் ஃப்ளார், மிளகாய்த்தூள் சேர்க்கவும்

பிறகு மிளகுத்தூள், சீரகத்தூள் இறுதியாக ராகி மாவு சேர்க்கவும்

பிறகு தேவையான அளவு உப்பு சேர்த்து இவை அனைத்தையும் நன்கு சேர்த்து பிசைந்து உருண்டையாக உருட்டவும்

சப்பாத்தி தேய்க்கும் கல்லில் சிறிது எண்ணெய் தடவி இந்த உருண்டையை எடுத்து வைத்து சமமாக கைகளால் பெரிய அளவாக தட்டவும். அகலம் அரை இஞ்ச் அளவு இருக்குமாறு தட்டிக் கொள்ளவும்

வட்ட வடிவ மோல்ட் கட்டர் அல்லது சிறிய வட்ட வடிவ மூடி வைத்து தேய்த்த மாவில் அழுத்தி அந்த ரவுண்டு பகுதியை தனியே எடுக்கவும். இதேபோல் அனைத்து மாவையும் வட்ட வடிவமாக வெட்டி தனியே எடுத்துக்கொள்ளவும்.

ஒரு ஸ்ட்ரா எடுத்துக் கொள்ளவும். வட்ட வடிவத்தில் ஸ்ட்ராவை பயன்படுத்தி இரண்டு கண் போல் செய்யவும்

வளைவு உள்ள ஒரு ஸ்பூன் கொண்டு வாய் போன்று செய்யவும். இதேபோன்று ஸ்மைலி போல் அனைத்தையும் செய்யவும்

கடாயில் எண்ணெய் விட்டு காய்ந்ததும் மிதமான தீயில் வைத்து துண்டுகளைப் போட்டு பொரித்து சிறிது சிவந்ததும் எடுக்கவும்