பாய் வீட்டு கத்திரிக்காய் தால்ச்சா

ஒரு குக்கரில் பச்சைப்பயிர், கடலைப்பருப்பு, மஞ்சள் தூள் சேர்த்து நன்கு வேகவைத்து எடுக்கவும். தேவையானவற்றை எடுத்து கொள்ளவும்.

எலுமிச்சை அளவில் புளி எடுத்து ஊறவைக்கவும். ஒரு வாணலியில் எண்ணெய் விட்டு, பொடியாக நறுக்கிய வெங்காயத்தில் பாதியை மட்டும் சேர்த்து வதக்கவும்.தக்காளி சேர்த்து வதக்கவும்.

பச்சை மிளகாய், கத்திரிக்காய் சேர்த்து வதக்கவும். பின் மிளகாய் தூள், கரம்மசாலா, தனியாத்தூள் சேர்த்து வதக்கவும். சிறிது தண்ணீர் விட்டு, உப்பு சேர்த்து காய்களை வேகவிடவும்.

காய் வெந்தவுடன், ஊறவைத்த புளி கரைசலை சேர்த்து, பின் வேகவைத்த பருப்புகளை சேர்த்து, 5நிமிடம் மூடி போட்டு வேகவிடவும்.

பின்னர் வேறொரு வாணலியில் எண்ணெய் விட்டு பிரியாணி இலை, பட்டை, லவங்கம், ஏலக்காய் சேர்த்து வதக்கவும். பின் மீதி இருக்கும் வெங்காயம், கறிவேப்பிலை, இஞ்சி பூண்டு விழுது சேர்த்து வதக்கவும்.

வதக்கின எல்லாவற்றையும், அந்த தால்சா வில் சேர்த்து கொதிக்க விடவும். நன்கு கொதித்தவுடன் கொத்தமல்லி இலை தூவி பரிமாறவும்.