கோவக்காய் மசாலா கறி

8 கோவைக்காயை நீளவாக்கில் நறுக்கி வைக்கவும் பெரிய வெங்காயம் ஒன்றை பொடியாக நறுக்கி வைக்கவும் மசாலா அரைப்பதற்கு 1/2 டீஸ்பூன் சோம்பு, 1/2 டீஸ்பூன் மிளகு, 1 துண்டு இஞ்சி, 2 கிராம்பு,4 டீஸ்பூன் தேங்காய் துருவல், 1 டீஸ்பூன் தனியா, 1/2 டீஸ்பூன் சீரகம், 1 சிறிய துண்டு பட்டை எடுத்து வைக்கவும். இவை அனைத்தையும் மிக்ஸி ஜாரில் சேர்த்து விடவும்.

சிறிது தண்ணீர் விட்டு நைஸாக அரைத்து விழுதாக எடுத்து வைக்கவும்.கடாயில் 4 டீஸ்பூன் ஆயில் விட்டு, 1 டீஸ்பூன் கடுகு, 1 டீஸ்பூன் உளுந்து பருப்பு 1 வரமிளகாய் கிள்ளியது சேர்த்து தாளிக்கவும். நறுக்கிய வெங்காயம்,4 பல் பூண்டு சேர்த்து வதக்கவும்.

நறுக்கிய தக்காளியையும் சேர்த்து நன்கு வதக்கி விடவும். அதனுடன் நறுக்கிய கோவக்காயை சேர்த்து நன்கு வதக்கவும்.1/4 டீஸ்பூன் மஞ்சள் தூள், 1 டீஸ்பூன் சாம்பார் மிளகாய்த்தூள், உப்பு சேர்த்து தண்ணீர் விட்டு வேகவிடவும்.

கோவக்காய் நன்கு வெந்தவுடன் அரைத்த மசாலாவை சேர்த்து வேகவிடவும்.

மசாலா நன்கு வெந்து தண்ணீர் வற்றி,நன்கு சுருண்டு வரும் பொழுது அடுப்பிலிருந்து இறக்கி விடவும். சுவையான கோவக்காய் மசாலா கறி ரெடி😋😋