கோவக்காய் வேர்க்கடலை கறி

1/4 கிலோ கோவக்காயை நீளவாக்கில் நறுக்கி வைக்கவும். பெரிய வெங்காயம் 1 நீளவாக்கில் நறுக்கி வைக்கவும். வேர்க்கடலை 1/4 கப் எடுத்து தோல் நீக்கி வைக்கவும்.

கடாயில் 3 டீஸ்பூன் ஆயில் விட்டு கடுகு 1 டீஸ்பூன்,சீரகம் 1 டீஸ்பூன் கறிவேப்பிலை சிறிது தாளித்து நறுக்கிய பெரிய வெங்காயம் சேர்த்து வதக்கி மஞ்சள்தூள் 1/2 டீஸ்பூன், தனியாத்தூள் 1 டீஸ்பூன் சேர்த்து வதக்கவும்.

மிளகாய்த்தூள் 1 டீஸ்பூன் சேர்த்து எண்ணெயில் நன்கு வதக்கி அடுப்பை சிம்மில் வைத்து பச்சை வாசனை நீங்கியவுடன் நறுக்கி வைத்த கோவக்காயை சேர்த்து வதக்கவும்.

1/2 கப் தண்ணீர் சேர்த்து வேகவிடவும். 1/4 கப் வேர் கடலையை மிக்ஸியில் சேர்த்து பொடித்து வைக்கவும்.

கோவைக்காய் நன்கு வெந்து தண்ணீர் வற்றிய உடன் பொடித்து வைத்த வேர்க்கடலை பொடியை சேர்த்து கிளறி விடவும்.

சுவையான கோவக்காய் வேர்க்கடலை கறி ரெடி😋😋சாதத்துடன் சேர்த்து சாப்பிட சுவையாக இருக்கும்.