வால்நட் வடை

கடலைப்பருப்பை 1 மணி நேரம் ஊறவைக்கவும்.

ஒரு மிக்ஸி ஜாரில் வரமிளகாய், சோம்பு, சீரகம், இஞ்சி, பூண்டுபல் எல்லாம் போட்டு தண்ணீர் தெளித்து அரைக்கவும்.

பிறகு ஊறவைத்த கடலைப் பருப்பை தண்ணீர் வடித்து விட்டு அந்த மிக்ஸி ஜாரில் போடவும். பிறகு வால்நட்டை சின்ன சின்ன துண்டுகளாக நறுக்கி கடலைப்பருப்புடன் போட்டு கொரகொரப்பாக அரைக்கவும்.

பிறகு அரைத்த வடை மாவை ஒரு பாத்திரத்தில் எடுத்துக் கொள்ளவும். பிறகு அதில் பொடியாக நறுக்கிய வெங்காயம், கறிவேப்பிலை, கொத்தமல்லி இலை, தேவையான அளவு உப்பு போட்டு எல்லாத்தையும் நன்கு கிளறவும்.

பிறகு அவற்றுடன் பொடியாக நறுக்கிய 3 வால்நட்டை அதில் போட்டு கிளறவும்.

பிறகு அடுப்பில் ஒரு வாணலியை வைத்து பொரிக்க தேவையான அளவு எண்ணெய் ஊற்றி எண்ணெய் சூடானதும் கையில் எண்ணெய் தடவிக் கொண்டு வடை மாவை சிறு சிறு உருண்டைகளாக உருட்டி விரல்களால் தட்டி எண்ணெயில் போட்டு பொன்னிறமாக பொரித்தெடுக்கவும்.

சுவையான வால்நட் வடை தயார்.