தேங்காய் பால் முறுக்கு

முதலில் முறுக்கு மாவை ரெடி செய்து கொள்ளவும்

அரிசியை ஒரு மணி நேரம் வரை ஊறவிட்டு பின் இரண்டு முறை அலசி சுத்தமான துணியில் பரவலாக போட்டு உலரவிடவும்

உளுந்தை மெல்லிய தீயில் வெறும் வாணலியில் போட்டு இளஞ்சிவப்பாக வறுத்து எடுக்கவும்

பின் அதே மாதிரி பாசிப்பருப்பு ஐ தனியாக வறுத்து எடுக்கவும்

இப்போது அரிசி மற்றும் உளுந்து பாசிப்பருப்பு ஐ ஒன்றாக சேர்த்து மாவு மிஷினில் கொடுத்து திரித்து கொள்ளவும்

இப்போது இந்த மாவை ஜலித்து எடுத்து கொள்ளவும்

இதனுடன் உப்பு சேர்த்து கலந்து கொள்ளவும்

பின் சூடான பட்டரை ஊற்றி பிசிறி விடவும்

பின் மிக்ஸியில் சீரகம் ஓமம் மற்றும் எள்ளு பெருங்காயத்தூள் சேர்த்து கரகரப்பாக பொடித்து வைக்கவும்

பின் முறுக்கு மாவுடன் பொடித்த பொடியை சேர்த்து நன்கு கலந்து கொள்ளவும்

பின் தேங்காய் பாலை சிறிது சிறிதாக சேர்த்து சப்பாத்தி மாவு பதத்தில் பிசைந்து கொள்ளவும்

பின் வாணலியில் தேங்காய் எண்ணெய் விட்டு சூடாக்கவும்

பின் தேன்குழல் அச்சில் எண்ணெய் தடவி கொண்டு மாவை நிரப்பி சூடான எண்ணெயில் பிழிந்து விடவும்

மெதுவாக திருப்பி விட்டு எண்ணெய் சலசலப்பு அடங்கியதும் எடுக்கவும்

மிகவும் ருசியாக மொறுமொறுப்பாக தேங்காய் பால் ருசி மற்றும் தேங்காய் எண்ணெய் மணத்துடன் மிகவும் நன்றாக இருக்கும்