மிளகு ரசம்

முதலில் தக்காளி, புளியை தேவையான அளவு தண்ணீர் சேர்த்து நன்றாக வேக வைத்துக் கொள்ளவும்.ஒரு வாணலியில் மிளகு, சீரகம், கொத்தமல்லி,துவரம் பருப்பு ஆகியவற்றை ஒன்றாக சேர்த்து நன்றாக வறுக்கவும்... ஆறியதும் மிக்ஸியில் போட்டு நன்றாக பொடியாக அரைத்து வைத்துக் கொள்ளவும். தக்காளி புளியை நன்றாக கரைத்து அதில் கறிவேப்பிலை கொத்தமல்லி இலை சேர்த்து நன்கு கைகளால் கரைத்து வைக்கவும். பூண்டை தட்டி வைக்கவும்.

ஒரு கடாயில் எண்ணெய் விட்டு காய்ந்ததும் அதில் கடுகு போட்டு தாளித்து அதனுடன் வெங்காயம் வரமிளகாய் சேர்த்து நன்றாக வதக்கவும்.. பின்னர் மஞ்சள் தூள் பெருங்காயத்தூள் சேர்த்து கிளறி தேவையான அளவு உப்பு சேர்த்து நன்றாக கலந்து கொள்ளவும்... கரைத்த தக்காளி புளி கரைசல் மற்றும் தட்டிய பூண்டு சேர்த்து நன்றாக கலந்து விடவும்... ஒரு மூடி போட்டு ரசம் நுறை கட்டும் வரை அடுப்பில் வைத்து, பின்னர் இறக்கி விடவும்... கொதிக்க விடாமல் இறக்கவும்... சூடான சுவையான ஆரோக்கியமான மிளகு ரசம் ரெடி...