கேரட் லாவா இட்லி

நம் வீட்டில் எப்பொழுதும் இட்லி மாவு தயாராக இருக்கும். அதை ஒரு கிண்ணம் எடுத்து வைத்துக் கொள்ளவும்.இரண்டு கேரட்டை கழுவி தோல் சீவி சுத்தம் செய்து குக்கரில் போட்டு மிகவும் குறைவாக நீர் சேர்த்து சிம்மில் வைத்து இரண்டு விசில் விடவும்.நீரை வடித்துவிட்டு கேரட்டை மிக்ஸியில் போட்டு கூழாக மசிக்கவும். சிறிது கெட்டியாக இருக்க வேண்டும் ஒரு ஸ்பூன் சர்க்கரை கலந்து வைத்துக் கொள்ளவும்

ஒரு கிண்ணத்தில் நெய் அல்லது எண்ணெய் தடவி பாதி அளவு இட்லி மாவை ஊற்றவும் இட்லி பானையில் வைத்து வேக விடவும்.பாதி வெந்ததும் மசித்த கேரட் விழுதினை அந்த இட்லி மீது ஊற்றவும். அதன் மேல் மீதமுள்ள இட்லி மாவை ஊற்றி 5 நிமிடம் வேக விடவும்.நன்கு வெந்ததும் மெதுவாக இட்லியை பானையிலிருந்து வெளியே எடுத்து ஆறவிட்டு இட்லியை தட்டிற்கு மாற்றவும். ஸ்பூனால் இட்லியை கீறி விடும் பொழுது ஸ்டஃப் செய்த கேரட் சாறு வெளியே தெரியவரும்.

கேரட் லாவா இட்லி தயார்.