சுரைக்காய் காராமணி பொரியல்

முதலில் காராமணியை ஒரு மணி நேரம் சுடுதண்ணீரில் ஊற வைக்கவும். அதன் பின் குக்கரில் சிறிது உப்பு சேர்த்து ஒரு விசில் விட்டு எடுத்துக் கொள்ளவும். சுரைக்காயை தோல் நீக்கி சிறிய துண்டுகளாக நறுக்கிக் கொள்ளவும்.

வாணலியில் எண்ணெய் சேர்த்து கடுகு கறிவேப்பிலை தாளித்து நறுக்கிய பெரிய வெங்காயம் சேர்த்து நன்றாக வதக்கவும்.வெங்காயம் வதங்கியவுடன் நறுக்கிய சுரைக்காய் சேர்த்து அதனுடன் தேவையான அளவு உப்பு,மஞ்சள் தூள், சிறிது தண்ணீர் சேர்த்து நன்றாக கிளறி மிதமான சூட்டில் மூடி வைத்து 5 நிமிடம் வேக விடவும்.

சுரைக்காயை வெந்தவுடன் அதில் வேக வைத்த காராமணி மிளகாய்த்தூள் சேர்த்து நன்றாக கிளறி இறக்கவும். தேவைப்பட்டால் துருவிய தேங்காய் சேர்க்கலாம். சுவையான காராமணி சுரைக்காய் பொரியல் தயார்.