சப்பாத்தி தக்காளி தொக்கு

1கப் கோதுமை மாவு, உப்பு, 2 டீஸ்பூன் ஆயில்,சிறிது தண்ணீர் விட்டு மாவை பிசைந்து வைக்கவும். பெரிய வெங்காயம்-2 தோல் நீக்கி கழுவி பொடியாக நறுக்கி வைக்கவும்.5 பல் பூண்டு தோல் நீக்கி நசுக்கி வைக்கவும். 1 பச்சை மிளகாய் கழுவி பொடியாக நறுக்கி வைக்கவும்.

3 தக்காளியை சுடு தண்ணீரில் சிறிது நேரம் வேக விட்டு தோல் நீக்கி ஆறவிட்டு மிக்ஸியில் சேர்த்து அரைத்து வைக்கவும்.கடாயில் 3 டீஸ்பூன் ஆயில் விட்டு 1 டீஸ்பூன் கடுகு, 1/2 டீஸ்பூன் சீரகம்,1 டீஸ்பூன் உளுந்து பருப்பு,1 டீஸ்பூன் கடலை பருப்பு சேர்த்து தாளித்து,பூண்டு 5 பல், பச்சை மிளகாய் நறுக்கியது சேர்த்து வதக்கி நறுக்கிய பெரிய வெங்காயம் 2 சேர்த்து வதக்கவும்.

மஞ்சள்தூள் 1/2 டீஸ்பூன் சாம்பார் மிளகாய்த்தூள் 1 டீஸ்பூன்,உப்பு சேர்த்து வதக்கவும். அரைத்து வைத்த தக்காளியை சேர்த்து மூடி வைத்து கொதிக்க விடவும்.

குழம்பு திக்காக சுருண்டு வரும் வரை கொதிக்கவிட்டு இறக்கிவிடவும். சப்பாத்தி, இட்லி தோசைக்கு தொட்டுக் கொள்ள ஏற்ற டிஷ். 😄😄