சிக்கன் ரிங் சமோசா

ஒரு பவுலில் மைதா மாவு, உப்பு, நெய் சேர்த்து கலந்து விட்டு தண்ணீர் ஊற்றி சப்பாத்தி மாவு பதத்திற்கு பிசைந்து கொள்ளவும்.

எலும்பு இல்லாத சிக்கனை மிக்ஸியில் அரைத்து எடுத்து கொள்ளவும். வாணலியில் 2ஸ்பூன் எண்ணெய் ஊற்றி சீரகம் தாளித்து வெங்காயம், தக்காளி சிறிதாக நறுக்கி சேர்த்து வதக்கவும்.

இதில் மஞ்சள் தூள், மிளகாய் தூள், மிளகுத்தூள், உப்பு, மல்லி தூள், கரமசாலா சேர்த்து வதக்கி கொள்ளவும். பிறகு சிக்கனை சேர்த்து கிளறி விடவும்.

பிறகு மைதா மாவை சிறு சிறு உருண்டைகளாக உருட்டி கொள்ளவும். சப்பாத்தி கட்டையில் ஒரு உருண்டை எடுத்து வைத்து தேய்த்து அதன் ஓரங்களில் சிக்கன் வறுவல் வைத்து கொள்ளவும்.

அதன் ஓரங்களை மடித்து கொள்ளவும். பிறகு படத்தில் காட்டியபடி கத்தியால் கீறி கொள்ளவும்.இதனை உருட்டி கொள்ளவும்.

ஒரு பவுலில் 2ஸ்பூன் மைதா மாவு, தண்ணீர் சேர்த்து கட்டி இல்லாமல் கலந்து வைக்கவும்.இதன் இரண்டு ஓரங்களையும் மைதா மாவு பேஸ்ட் வைத்து ஒட்டி கொள்ளவும்.

அடுப்பில் வாணலியில் எண்ணெய் ஊற்றி காய்ந்ததும் இந்த தயார் செய்த ரிங் ஐ போட்டு பொன்னிறமாக பொரித்து எடுக்கவும். சூப்பரான சிக்கன் ரிங் சமோசா தயார். நன்றி