தக்காளி தொக்கு

தக்காளி, வெங்காயத்தை கழுவி நன்கு தண்ணீர் வடித்து நறுக்கி வைக்கவும்

ஒரு கடாயில் கடலை எண்ணெய், நல்லெண்ணெய் இரண்டும் ஊற்றி.காய்ந்ததும் கறிவேப்பிலை தாளித்து, வெங்காயத்தை சேர்த்து பொன்னிறமாக வதக்கவும். மிதமான தீயில் வைக்கவும்.

வெங்காயம் பொன்னிறமாக வதங்கியதும் இஞ்சி பூண்டு விழுது சேர்த்து வதக்கவும்.

பின் தக்காளியை சேர்த்து நன்கு வதக்கவும். தக்காளி அரைபதம் வெந்ததும் உப்பு சேர்க்கவும்.

தக்காளி நன்கு மசிய வதங்கியதும் மிளகாய்த்தூள் சேர்க்கவும். அதன்பின் மஞ்சள்தூள், சீரகத்தூள் சேர்த்து வதக்கவும்.

அடுப்பை மூடகூடாது. சிம்மில் இருத்தி 5 நிமிடத்திற்கு ஒருமுறை கிளறி கிளறி விடவும். 15 முதல் 20 நிமிடங்கள் மிதமான தீயில் வைக்கவும்.

நன்கு எண்ணெய் பிரிந்து வரும்போது இறக்கவும். சுவையான தக்காளி தொக்கு... சப்பாத்தி, தோசை, தயிர்சாதம் இதுக்கு நல்ல சைட் டிஷ். செய்து பாருங்கள்.