மசாலா பிரை இட்லி

மினி இட்லி ப்ளேட்டில் 30 குட்டி இட்லிகளை வேக வைத்து எடுத்துக் கொள்ளவும்.(பிளேட்டில் எண்ணெய் தடவி ஸ்பூனில் மாவு எடுத்து ஊற்ற அழகாக ஒரே மாதிரி வரும்.

கடாயில் 3 ஸ்பூன் எண்ணெய் விட்டு கடுகு தாளித்து பட்டை கிராம்பு பிரிஞ்சி இலை சேர்க்கவும்.பிறகு பொடியாக அரிந்த வெங்காயத்தை சேர்க்கவும் பிறகு இஞ்சி பூண்டு விழுதை சேர்க்கவும் அதன் பிறகு பொடியாக அரிந்த தக்காளி சேர்த்து நன்கு வதக்கவும். எண்ணெயில் நன்கு வதங்கிய பின் வரமிளகாய் தூள் 1 ஸ்பூன் தனியா தூள் அரை ஸ்பூன் கரம் மசாலா தூள் கால் ஸ்பூன் மஞ்சள் தூள் கால் ஸ்பூன் உபபு சேர்த்து வதக்கவும். இதனுடன் தேங்காய் கசகசா சேர்த்து அரைத்த விழுதை கொஞ்சம் தண்ணீர் கலந்து எல்லாவற்றையும் 5நிமிடம் கொதிக்க விடவும்.

மசாலாக்கள் உடன் இட்லியைச் சேர்த்து5 நிமிடம் மிதமான சூட்டில் மூடி வைக்கவும்.கொத்தமல்லி கருவேப்பிலை சேர்த்து இறக்கவும். தட்டில் சுட சுட வைத்து பரிமாறவும். லஞ்ச் பாக்ஸ் டிபன் ரெடி.நெய் சேர்த்தால் மேலும் சுவையாக இருக்கும்.