செட்டிநாட்டு சோயா வதக்கல்

சோயாவை நன்கு கழுவி சூடான தண்ணீரில் சேர்த்து பத்துநிமிடம் ஊறவிட்டு, பின்னர் வேறு தண்ணீர் சேர்த்து நன்கு பிழிந்து வைக்கவும்.

வெங்காயம், தக்காளி நீளவாக்கில் நறுக்கி வைக்கவும்.

சோம்பு, மிளகு, இஞ்சி, பூண்டு சேர்த்து விழுதாக அரைத்து வைக்கவும்

வாணலியில் எண்ணை சேர்த்து, சோம்பு, கடுகு, சீரகம், கறிவேப்பிலை, வற்றல் சேர்த்து வதக்கி, நன்கு பொரிந்ததும், வெங்காயம், இஞ்சிபூண்டு விழுது சேர்த்து வதக்கி, தக்காளி சேர்த்து இரண்டு நிமிடங்கள் வதக்கி, அரைத்து வைத்துள்ள விழுது சேர்த்து,மிளகாய் தூள், உப்பு சேர்த்து பச்சை வாசம் போகும்வரை வதக்கவும்.

எண்ணெய் பிரிந்து வரும் போது தயாராக வைத்துள்ள சோயா, காரம் மசாலா சேர்த்து, கொஞ்சம் தண்ணீர் தெளித்து பத்து நிமிடங்கள் மூடி வைக்கவும்.

பின்னர் எடுத்து மல்லி இலை சேர்த்து நன்கு பிரட்டி இறக்கவும்.

இப்போது சுவையான, செட்டிநாட்டு சோயா வதக்கல் சுவைக்கத்தயார். பரிமாறும் முன்பு பொடியாக நறுக்கி வைத்துள்ள மல்லி இலை தூவி அலங்கரிக்கவும்.அனைவரும் செய்து சுவைக்கவும்.