*ரெஸ்டாரன்ட் ஸ்டைல், கேரட் கிரேவி கறி*

தேவையான பொருட்களை எடுத்து வைத்துக் கொள்ளவும். தேங்காயை துருவிக் கொள்ளவும்.

வெங்காயம், தக்காளியை சுத்தம் செய்து, சற்று பெரிய துண்டுகளாக நறுக்கவும்.

அடுப்பை மிதமான தீயில் வைத்து, கடாயில் கேரட், உப்பு, 3 கப் தண்ணீர் சேர்த்து குழையாமல், 3/4 பாகம் வேக விட்டு வடித்துக் கொள்ளவும்.

அடுப்பை மிதமான தீயில் வைத்து, கடாயில், 1 டேபிள் ஸ்பூன் ந.எண்ணெய் விட்டு சூடானதும், 1 ஸ்பூன் சீரகம், வெங்காயம், தக்காளி சேர்த்து வதக்கவும்.

வதங்கியதும், இஞ்சி, பூண்டு விழுது, தனியா தூள், மி.தூள், தேங்காய் துருவல், உப்பு, கொத்தமல்லி தழை சேர்த்து நன்கு வதக்கவும்.

ஆறினதும் மிக்ஸி ஜாரில் போட்டு நன்கு அரைக்கவும்.

மிளகை மிக்ஸி ஜாரில் போட்டு நன்கு அரைக்கவும். பிறகு அரைத்த விழுது, மிளகு தூள், உப்பு சிறிது சேர்த்து நன்கு வதக்கவும்.

பச்சை வாசனை போக வதக்கினதும், 3/4 பாகம் வெந்த கேரட், கொத்தமல்லி தழை சேர்த்து ஒன்று சேர குழையாமல் வெந்ததும் அடுப்பை நிறுத்தி விடவும்.

பிறகு நன்கு கிளறி இறக்கவும். இறக்கியதும் பௌலுக்கு மாற்றவும்.

இப்போது, வித்தியாசமான, சுவையான, சுலபமான,*ரெஸ்டாரன்ட் ஸ்டைல் கேரட் கிரேவி கறி* தயார். செய்து பார்த்து அசத்தி என்ஜாய் செய்யவும்.

குறிப்பு:- இது, இட்லி, தோசை, சப்பாத்தி, பூரிக்கு மிகவும் ஆப்ட்டாக இருக்கும். ந.எண்ணெயில் செய்வதால் கூடுதல் ருசி.