பொங்கல் கறி விருந்து-மட்டன் பிரியாணி, எலும்பு சாம்பார் குழம்பு, முட்டை கிரேவி,சிக்கன் ப்ரை

மட்டன் பிரியாணி செய்ய:: குக்கரில் மட்டன், சிறிது உப்பு மற்றும் தண்ணீர் சேர்த்து 5-6 விசில் வைத்து கொள்ள வும்.பின்னர் பாத்திரத்தில் எண்ணெய் மற்றும் நெய் ஊற்றி பட்டை,கிராம்பு மற்றும் ஏலக்காய் சேர்த்து தாளிக்கவும்.

3 நிமிடம் பின் புதினா சேர்த்து கிளறவும். இப்போது தக்காளி, தயிர்,மல்லி தூள், பச்சை மிளகாய், மிளகாய் தூள், உப்பு சேர்த்து கிளறவும்.

அரிசியை சேர்த்து கொதித்த பின்னர் மூடி இட்டு வேக விடவும் 15 நிமிடம் பின்னர் சுவையான மட்டன் பிரியாணி தயார்.சிறிது கிளறிய பின் 10 நிமிடம் தம்மில் வைத்து இறக்கவும்

எலும்பு சாம்பார் குழம்பு:::குக்கரில் எலும்பு மற்றும் பருப்பு சேர்த்து 5 நிமிடம் வேக விடவும். பின்னர் அடுப்பில் கடாயில் சிறிது தண்ணீர் ஊற்றி அதில் வெங்காயம் சேர்த்து கொள்ளவும்

பின்னர் பூண்டு, குக்கரில் வேக வைத்த எலும்பு, பருப்பு மற்றும் அதிலுள்ள தண்ணீர் சேர்த்து கிளறவும்.தக்காளி மற்றும் கத்திரிக்காய், உருளைக்கிழங்கு, முருங்கை காய் சேர்த்து கொள்ளவும்

இப்போது மிளகாய் தூள், சாம்பார் பொடி, மல்லி தூள் மற்றும் உப்பு சேர்த்து 15 நிமிடம் குழம்பை வேக விடவும்.பின்னர் மற்றொரு கடாயில் எண்ணெய் ஊற்றி வெங்காயம், சீரகம் மற்றும் கருவேப்பிலை சேர்த்து தாளிக்கவும்.

தாளித்து இதனை குழம்பில் ஊற்றி கிளறி 10 நிமிடம் பின் அடுப்பை அணைத்து விட்டால் சுவையான எலும்பு சாம்பார் தயார்

முட்டை கிரேவி::::பாத்திரத்தில் தண்ணீர் ஊற்றி முட்டை சேர்த்து 15 நிமிடம் வேக விட்டு முட்டையை கத்தி வைத்து லேசாக கீறி வைக்க வேண்டும்.

கடாயில் எண்ணெய் ஊற்றி வெங்காயம் சேர்த்து வதக்கவும். பின்னர் அதில் சிறிது தக்காளி,மிளகாய் தூள், சிக்கன் தூள் சேர்த்து கிளறவும்.2 டீஸ்பூன் தண்ணீர் சேர்த்து கிளறவும்

இப்போது வேக வைத்த முட்டைகளை கடாயில் சேர்த்து மசாலாவில் ஒட்டும் படி கிளறவும். சுவையான முட்டை கிரேவி தயார்.

சிக்கன் ப்ரை::::பாத்திரத்தில் சிக்கன் துண்டுகள்,இஞ்சி பூண்டு விழுது மற்றும் சிக்கன் பொடி சேர்த்து கிளறி 20 நிமிடம் ஊற விடவும்.

கடாயில் எண்ணெய் ஊற்றி சிக்கன் துண்டுகளை சேர்த்து நன்றாக பொரித்து எடுக்கவும். பொரித்து பின் எலுமிச்சை சாறு சேர்த்து கிளறினால் சுவையான சிக்கன் ப்ரை தயார்

தயிர் பச்சடி ::::பாத்திரத்தில் தயிர் ஊற்றி அதில் வெங்காயம், பச்சை மிளகாய்,துருவிய கேரட் மற்றும் உப்பு சேர்த்து கிளறி வைக்க வேண்டும்