மசாலா முட்டை கறி

முட்டையை வேகவைத்து தோல் உரித்து மேல் பகுதியை மட்டும் கத்தியால் நான்காக கீறி கொள்ளவும்

பெரிய வெங்காயத்தை பொடியாக நறுக்கி வைக்கவும் தேங்காய் உடன் சிறிது தண்ணீர் சேர்த்து அரைத்து பிழிந்து பால் எடுக்கவும்

மசாலா அரைக்க கொடுத்துள்ள பொருட்களை நெய் விட்டு சூடானதும் சின்ன வெங்காயம், முந்திரி, சோம்பு சேர்த்து வதக்கி ஆறியதும் மிக்ஸியில் போட்டு நைசாக அரைத்து எடுக்கவும், தக்காளி ஐ தனியாக அரைத்து வைக்கவும்

வாணலியில் எண்ணெய் விட்டு சூடானதும் கடுகு சேர்த்து வெடிக்க விடவும்

பின் கறிவேப்பிலை நறுக்கிய வெங்காயம் மற்றும் பச்சை மிளகாய் சேர்த்து வதக்கவும் வெங்காயம் பொன்னிறமாக வதங்கியதும் இஞ்சி பூண்டு விழுது சேர்த்து வதக்கவும் பின் நறுக்கிய தக்காளி விழுதை சேர்த்து வதக்கவும்

பின் தனியாத்தூள்,மிளகாய்த்தூள்,கரம் மசாலா தூள், சீரகத்தூள்,உப்பு சேர்த்து நன்கு வதக்கவும்

பின் அரைத்த விழுது மற்றும் தேங்காய் பால் சேர்த்து நன்கு கிளறி அடுப்பை மிதமான தீயில் வைத்து ஐந்து நிமிடம் வரை கொதிக்க விடவும்

பின் மூடியை திறந்து எண்ணெய் பிரிந்து வந்ததும் மெதுவாக கிளறி கொத்தமல்லி தழை தூவி இறக்கவும்