முட்டை கடலைமாவு ஆம்லெட்

ஒரு பாத்திரத்தில் கடலை மாவு, பொடியாக நறுக்கிய வெங்காயம், தக்காளி, கொத்தமல்லி, இஞ்சி, பச்சை மிளகாய் மற்றும் மிளகாய் பொடி, மஞ்சள் பொடி, உப்பு அனைத்தையும் சேர்த்து நன்றாக கலந்து அரை கப் நீர் விட்டு கலக்கவும். தேவைப்பட்டால் இன்னொரு கால் கப் நீர் விட்டு இட்லி மாவு பதத்துக்கு கரைத்துக் கொள்ளவும்.

முட்டையை உடைத்து ஒரு கப்பில் ஊற்றி நன்றாக அடித்துக் கொள்ளவும். இந்த முட்டையை கடலை மாவு கலவையில் ஊற்றி நன்றாக கலந்து கொள்ளவும்.

தோசை கல்லை சூடாக்கி எண்ணெய் விட்டு கடலை மாவு முட்டை கலவையை தோசைகளாக ஊற்றி, திருப்பி போட்டு எண்ணெய் விட்டு பொன்னிறமாக வெந்ததும் எடுக்கவும். சுவையான முட்டை கடலைமாவு ஆம்லெட் தயார்.