மட்டன் மிளகு வறுவல்

முதலில் மட்டனை அலசி வைத்துக் கொள்ளவும்.பின்பு குக்கரில் எண்ணெய் 3 கரண்டி சேர்த்து ஒரு துண்டு பட்டை 2 கிராம்பு சேர்த்து தாளித்தவுடன் வெங்காயம் சேர்த்து வதக்கவும். பொன் நிறமானதும் மட்டனை சேர்த்து நீர் சத்து போகும் வரை வதக்கியதும் தக்காளி சேர்த்து வதக்கவும்.

பின் இஞ்சி,பூண்டு விழுது சேர்த்து வதக்கவும். பின் மஞ்சள் தூள், மிளகாய்த் தூள், உப்பு சேர்த்து ஒரு டம்ளர் தண்ணீர் ஊற்றி 4 விசில் வைக்கவும்.

பின்பு விசில் அடங்கியதும் திறந்து அதிக நீர் இருந்தால் சிறிது சுண்ட வைத்து மிளகு தூள் சேர்த்து பிரட்டி இறக்கினால் மட்டன் மிளகு வறுவல் தயார்.