முருங்கைக் கீரை தக்காளி குழம்பு

முதலில் கீரையை சுத்தம் செய்து தண்ணீரில் அலசி வைக்கவும்.. தேவையான பொருட்கள் அனைத்தையும் தயாராக எடுத்து வைக்கவும்.ஒரு கடாயில் 2 டீஸ்பூன் எண்ணெய் விட்டு காய்ந்ததும் அதில் சின்ன வெங்காயம் வரமிளகாய் இஞ்சி பூண்டு சேர்த்து நன்றாக வதக்கவும். சீரகம் மிளகு கொத்தமல்லி சேர்த்து நன்றாக வதக்கவும்.தக்காளி சேர்த்து நன்றாக வதக்கவும்.. ஒரு கைப்பிடி முருங்கை கீரை சேர்த்து நன்றாக வதக்கவும்.. பின்னர் ஆறியதும் மிக்ஸியில் போட்டு நன்றாக அரைத்து வைத்துக் கொள்ளவும்.

பின்னர் ஒரு கடாயில் 1 டீஸ்பூன் எண்ணெய் விட்டு காய்ந்ததும் அதில் கடுகு போட்டு தாளித்து அதனுடன் சின்ன வெங்காயம் 4 சேர்த்து நன்றாக வதக்கவும்.. பின்னர் அரைத்த விழுதை சேர்த்து நன்றாக வதக்கவும்.. தேவையான அளவு உப்பு தண்ணீர் சேர்த்து நன்றாக எண்ணெய் பிரிந்து வரும் வரை வதக்கவும். பின்னர் கீரையை சேர்த்து நன்றாக 3-5 நிமிடங்கள் வேகவிடவும்.. இப்போது சூடான சுவையான ஆரோக்கியமான முருங்கைக் கீரை தக்காளி குழம்பு ரெடி.. நன்றி. ஹேமலதா கதிர்வேல். கோவை பாசக்கார பெண்கள்.